રૅપર કિંગના ‘માન મેરી જાન’ની ફૅન છે આલિયા

આ ગીત ઈન્ડિયાના સ્પૉટિફાઇ ચાર્ટમાં ટૉપ પર છે અને ગ્લોબલ ચાર્ટમાં એ ત્રીજા સ્થાને છે

રૅપર કિંગ

રૅપર કિંગનું ગીત ‘માન મેરી જાન’ના ફૅન લિસ્ટમાં હવે આલિયા ભટ્ટ પણ જોડાઈ ગઈ છે. આ ગીત ઈન્ડિયાના સ્પૉટિફાઇ ચાર્ટમાં ટૉપ પર છે અને ગ્લોબલ ચાર્ટમાં એ ત્રીજા સ્થાને છે. હાલમાં જ આલિયાએ આ ગીતને ‘મૂડ ફૉર ધ ડે’ જણાવ્યું હતું. આ ગીત નૅશનલ અને ઇન્ટરનૅશનલ લેવલ પર રેકૉર્ડ તોડી રહ્યું છે. માધુરી દી‍ક્ષિત નેને, બાદશાહ, ડીજે ચેતસ અને અર્જુન કાનુંગો બાદ હવે આલિયા પણ એની ફૅન બની ગઈ છે. પોતાના ગીતને મળતા રિસ્પૉન્સને જોઈને કિંગે કહ્યું કે ‘મારા ગીતને જે સફળતા મળી રહી છે એ જોઈને સારું લાગે છે. હું આલિયાના કામનો આદર કરું છું અને મારા માટે પણ એ ખુશીની વાત છે કે તે મારું ગીત સાંભળે છે. આવા પ્રકારની પ્રેરણાની મને દરરોજ જરૂર હોય છે. હું હવે ક્યાંય અટકવાનો નથી.’