આ ફિલ્મ બને એવી સૌની ઇચ્છા છે

આલિયા ભટ્ટ

ફરહાન અખ્તરની ફિલ્મ ‘જી લે ઝરા’ની અનાઉન્સમેન્ટ ૨૦૨૧માં કરવામાં આવી હતી. જોકે ફિલ્મનું શૂટિંગ તો હજી સુધી શરૂ નથી થયું. ઘણા સમયથી ફિલ્મને લઈને વિવિધ અફવાઓ સાંભળવા મળે છે કે ફિલ્મ નહીં બને. ફિલ્મની સ્ટોરી રોડ ટ્રિપ પર આધારિત છે. આ ફિલ્મમાં આલિયા ભટ્ટ, પ્રિયંકા ચોપડા જોનસ અને કૅટરિના કૈફ લીડ રોલમાં છે. હવે ફિલ્મને લઈને આલિયા કહે છે, ‘મને એવું લાગે છે કે દરેકનો મજબૂત દૃષ્ટિકોણ છે કે આ ફિલ્મ બનાવવામાં આવે. ફિલ્મ માટે સ્ટ્રૉન્ગ ટીમ સાથે આવી છે. એથી ઇરાદો તો એવો છે કે ફિલ્મ બને. જોકે એના માટે યોગ્ય સમયની આપણે રાહ જોવી પડશે. દરેકના દિલમાં એક જ ઇચ્છા છે કે આ ફિલ્મ ક્યારેક તો બને.’