04 July, 2023 01:51 PM IST | Mumbai | Gujarati Mid-day Online Correspondent
રૉકી ઔર રાની કી પ્રેમ કહાનીનું ટ્રેલર રિલીઝ
આલિયા ભટ્ટ (Alia Bhatt)અને રણવીર સિંહ (Ranveer Singh)સ્ટારર ફિલ્મ `રૉકી ઔર રાની કી પ્રેમ કહાની` (Rocky Aur Rani Ki Prem Kahani Trailer)નું ટ્રેલર મંગળવારે રિલીઝ કરવામાં આવ્યું છે. આ ફિલ્મ કરણ જોહરે ડિરેક્ટ કરી છે. આ ફિલ્મથી કરણ 7 વર્ષ પછી દિગ્દર્શનમાં વાપસી કરી રહ્યા છે. આલિયા અને રણવીર ઉપરાંત આ ફિલ્મમાં શબાના આઝમી, ધર્મેન્દ્ર અને જયા બચ્ચન પણ છે.
કેવું છે ટ્રેલર
કરણ જોહર ફરી એકવાર નવી લવ સ્ટોરી સાથે મોટા પડદા પર પરત ફર્યા છે. ફરી એકવાર તમને આ ફિલ્મમાં બોલિવૂડ સ્ટાઇલનો રોમાન્સ જોવા મળશે. કોમેડી, રોમાન્સ, ઈમોશન, સ્ટાઈલથી ભરેલું આ ટ્રેલર મનોરંજનનો સંપૂર્ણ ડોઝ છે.
ફિલ્મ(Rocky Aur Rani Ki Prem Kahani Trailer)ના ટ્રેલરની શરૂઆતમાં રણવીર અને આલિયાની લવ સ્ટોરી કેવી રીતે આગળ વધે છે તે બતાવવામાં આવ્યું છે. જો કે, તેમના પરિવારો ખૂબ જ અલગ હોવાને કારણે, બંને નક્કી કરે છે કે રાની રોકીના ઘરે અને રોકી ત્રણ મહિના માટે રાનીના ઘરે રહેશે. આ દરમિયાન બંનેના પરિવારજનો તેમના સંબંધોને તોડવાની કોશિશ કરે છે. ટ્રેલરના અંતમાં બંનેનું બ્રેકઅપ થતું જોવા મળે છે.
સોમવારે ફિલ્મનું નવું પોસ્ટર રિલીઝ કરવામાં આવ્યું હતું
સોમવારે ઈન્સ્ટાગ્રામ પર ફિલ્મનું નવું પોસ્ટર શેર કરતી વખતે આલિયા, રણવીર અને કરણે જણાવ્યું હતું કે ફિલ્મનું ટ્રેલર મંગળવારે રિલીઝ કરવામાં આવશે. જ્યારથી આ જાહેરાત થઈ છે ત્યારથી ફેન્સ આ ટ્રેલરની આતુરતાથી રાહ જોઈ રહ્યા હતાં. લોકો ઘણા સમયથી આ ફિલ્મની રાહ જોઈ રહ્યા હતા. દર્શકો આ રોમેન્ટિક ડ્રામા જોવા આતુર છે.
`તુમ ક્યા મિલે` ગીત
થોડા સમય પહેલા આ ફિલ્મ `રૉકી ઔર રાની કી પ્રેમ કહાની` ફિલ્મ (Rocky Aur Rani Ki Prem Kahani Trailer)નું ગીત `તુમ ક્યા મિલે` રિલીઝ થયું હતું, જેને અરિજીત સિંહ અને શ્રેયા ઘોષાલે ગાયું છે. આ ગીત સોશિયલ મીડિયા પર ખૂબ જ ટ્રેન્ડ કરી રહ્યું છે. આલિયાએ તેના ઇન્સ્ટાગ્રામ એકાઉન્ટ પર આ ગીત વિશેનો એક વીડિયો પણ શેર કર્યો હતો, જેમાં તે બીચ પર આ ગીત પર લિપ સિંક કરતી જોવા મળી હતી. આલિયાએ પુત્રી રાહાને જન્મ આપ્યા બાદ આ ગીત શૂટ કર્યું હતું.
ફિલ્મ ક્યારે રિલીઝ થશે?
કરણ જોહર લગભગ સાત વર્ષ પછી ફિલ્મ (Rocky Aur Rani Ki Prem Kahani Trailer) સાથે દિગ્દર્શનના ક્ષેત્રમાં પરત ફર્યો છે. તેમની છેલ્લી દિગ્દર્શિત ફીચર ફિલ્મ "એ દિલ હૈ મુશ્કિલ" હતી. ઈશિતા મોઈત્રા, શશાંક ખેતાન અને સુમિત રોયે રોકી અને રાનીની લવ સ્ટોરી લખી છે. ફિલ્મની રિલીઝની વાત કરીએ તો તે 28 જુલાઈના રોજ સિનેમાઘરોમાં રિલીઝ થશે.