વધારે અને સમયસર ટૅક્સ ભરવાનું સન્માન મળ્યું રજનીકાન્તને

રજનીકાન્તને મળેલા આ સન્માનને લેવા પિતા તરફથી તેમની દીકરી ઐશ્વર્યા રજનીકાન્ત ગઈ હતી

ઐશ્વર્યા રજનીકાન્ત

રજનીકાન્તને વધારે અને સમયસર ટૅક્સ ભરવા બદલ ઇન્કમ ટૅક્સ વિભાગે તેમનું સન્માન કર્યું છે. દર વર્ષે ૨૪ જુલાઈએ ઇન્કમ ટૅક્સ ડે તરીકે સેલિબ્રેટ કરવામાં આવે છે. અક્ષયને પણ સૌથી વધુ ટૅક્સ ભરવાનો ‘સમ્માન પત્ર’ આપવામાં આવ્યો છે. રજનીકાન્તને મળેલા આ સન્માનને લેવા પિતા તરફથી તેમની દીકરી ઐશ્વર્યા રજનીકાન્ત ગઈ હતી. ફોટો ઇન્સ્ટાગ્રામ પર શૅર કરીને ઐશ્વર્યા રજનીકાન્તે કૅપ્શન આપી હતી, ‘મને ગર્વ છે કે હું સૌથી વધુ અને સમયસર ટૅક્સ ભરનારની દીકરી છું. તામિલનાડુ અને પૉન્ડિચેરીના ઇન્કમ ટૅક્સ વિભાગ દ્વારા મારા અપ્પાને સન્માનિત કરવા માટે ખૂબ આભાર માનું છું.’