Spy thriller `G2`: ટૂંક સમયમાં આવશે આદિવી શેષની સ્પાય થ્રિલર, ઈમરાન હાશ્મી પણ દેખાશે લીડ રોલમાં

Spy thriller `G2`: આ ફિલ્મ 2025માં રિલીઝ થવાની છે અને તે તમામ મુખ્ય ભારતીય ભાષાઓમાં મળવાની છે. આ ફિલ્મ બિગ સ્ક્રીન્સ પર બેસ્ટ બની રહેશે

અદીવી શેષની આગામી ફિલ્મ ‘G2’

અદીવી શેષ 2018 ની બ્લોકબસ્ટર ફિલ્મ ‘ગુડાચારિ’ની આગામી કડીને લઈ ‘G2’ (Spy thriller `G2`) સાથે સ્પાઈની દુનિયામાં ફરીથી એન્ટ્રી કરી રહ્યા છે. ઓરિજીનલ ફિલ્મે સાઉથ ઇન્ડિયા સિનેમા અને તેલુગુ સિનેમામાં સ્પાઈ થ્રિલર શૈલીને ફરીથી લઈ આવ્યા બાદનાં 6 વર્ષ બાદ આ ફ્રેન્ચાઈઝી રૂપિયા 100 કરોડના ભારે બજેટ સાથે નવી ઊંચાઈઓને પામવા તૈયાર છે. 

આ જ કારણોસર ‘G2’ (Spy thriller `G2`) માત્ર અદીવી શેષની સૌથી મોંઘી અને પ્રતીક્ષિત ફિલ્મ જ નથી, બલકે ભારતીય જાસૂસી શૈલીમાં સૌથી મહત્ત્વાકાંક્ષી પ્રોજેક્ટમાંની એક છે.

ઈમરાન હાશ્મી લીડ રોલમાં દેખાશે

હવે જ્યારે G2 (Spy thriller `G2`) હિન્દી માર્કેટમાં એન્ટ્રી કરી રહી છે, ત્યારે આ સમયે ફિલ્મમાં ઇમરાન હાશ્મીને એક મહત્વપૂર્ણ લીડ તરીકે રજૂ કરવામાં આવનાર છે. પોતાના જોરદાર અને દમદાર અભિનય માટે જાણીતા ઇમરાનના આ પ્રોજેક્ટમાં જોડાયાથી ફ્રેન્ચાઈઝી નવી ઊંચાઈઓને પામશે એ તો ખરું જ પણ સાથે પ્રેક્ષકોનાં દિલ સુધી પહોંચી જશે, એમ કોઈ બેમત નથી.

વિનય કુમાર સિરિગિનીડી દ્વારા દિગ્દર્શિત આ મેગા-બજેટ ફિલ્મ તેની મહત્ત્વાકાંક્ષા પર દરેક દ્રષ્ટિએ ખરી ઊતરી રહી છે, એ પછી ફિલ્મના સ્કેલની કે સ્ટોરીટેલિંગની વાત હોય. ‘G2’ (Spy thriller `G2`) એક એવી ફિલ્મ છે કે જે થકી નિર્માતાઓ માત્ર મૂળ ફિલ્મ થકી માત્ર રોકડી સફળતા નહીં પરંતુ એક એવું અનુભવવિશ્વ તૈયાર કરવા માંગે છે જે આંતરરાષ્ટ્રીય સ્તરને સુદ્ધાં પ્રભાવિત કરે.

આ મહીનાનાં પ્રારંભમાં નિર્માતાઓએ ‘ગુડાચારિ’ના 6 વર્ષ પૂર્ણ થવાના ઉજવણીનાં ભાગરૂપે  ‘G2’ની 6 સ્ટાઈલિશ ઝલકો સાથે ફેન્સને સરપ્રાઈઝ આપીને ખુશખુશાલ કરી દીધા હતા. એ ઝલકોમાં ફિલ્મના આંતરરાષ્ટ્રીય સ્તરને તેમ જ સોફિસ્ટિકેટેડ સ્ટાઈલ અને લાર્જર દેન લાઈફ વિઝનને કૅપ્ચર કકરવાનો સફળ પ્રયત્ન કરવામાં આવ્યો હતો. આ બાબતે એટલું તો નક્કી કરી જ આપ્યું કે આ ફિલ્મ બિગ સ્ક્રીન્સ પર બેસ્ટ બની રહેશે.

‘G2’ (Spy thriller `G2`)ના પાછળનું વૈશ્વિક વિઝન અને ટોપ લેવલ પ્રોડક્શન ક્વોલિટી આકર્ષિત છે, સાથે જ આ ફિલ્મ મનોરંજક સેટ પીસ બની રહે એમ છે. આ ફિલ્મમાં એવા દિલ ધડકાવનારા એક્શન સિક્વેન્સ અને જટિલ પ્લોટ ટ્વિસ્ટ શામેલ છે જે દર્શકોને આ ફિલ્મનાં અંત સુધી જકડી રાખે છે.

તમને જણાવી દઈએ કે ‘G2’નું મોટું બજેટ તેની પેન ઇન્ડિયા રિલીઝ સ્ટ્રેટેજી સાથે પણ મેળ ખાતું આવે છે. આ ફિલ્મ 2025માં રિલીઝ થવાની છે અને તે તમામ મુખ્ય ભારતીય ભાષાઓમાં મળવાની છે. આ જ કારણોસર તે વ્યાપક અને વૈવિધ્યસભર દર્શકો સુધી પહોંચી શકશે. પીપલ મીડિયા ફેક્ટરી, અભિષેક અગ્રવાલ આર્ટ્સ અને એકે એન્ટરટેનમેન્ટ દ્વારા નિર્મિત ‘G2’ 2025માં રિલીઝ થવા જઈ રહી છે.