‘ધૂમ’ ફ્રૅન્ચાઇઝીને સ્પાય યુનિવર્સ સાથે મર્જ નહીં કરે આદિત્ય ચોપડા

આદિત્ય ચોપડા આ બન્ને ફ્રૅન્ચાઇઝીને અલગ રાખીને બન્નેને એક અલગ જ ઊંચાઈ પર લઈ જવા માગે છે

આદિત્ય ચોપડા

આદિત્ય ચોપડાનો ‘ધૂમ’ ફ્રૅન્ચાઇઝીને સ્પાય ​યુનિવર્સ સાથે મર્જ કરવાનો કોઈ ઇરાદો નથી. હાલમાં એવી ચર્ચા ચાલી રહી હતી કે સ્પાય ​યુનિવર્સમાં હવે આદિત્ય ચોપડા જય દિક્ષિત એટલે કે અભિષેક બચ્ચનનો સમાવેશ કરવા માગે છે. જોકે ‘ધૂમ’ અને સ્પાય યુનિવર્સ ખૂબ જ મોટી ફ્રૅન્ચાઇઝી છે. તેમ જ આ બન્ને ફ્રૅન્ચાઇઝી યશરાજ ફિલ્મ્સની છે. આદિત્ય ચોપડા આ બન્ને ફ્રૅન્ચાઇઝીને અલગ રાખીને બન્નેને એક અલગ જ ઊંચાઈ પર લઈ જવા માગે છે. આથી પ્રોડક્શન હાઉસ દ્વારા સુપર સ્પાય અને ઍન્ટિ-હીરોઝ ફ્રૅન્ચાઇઝીને મર્જ કરવાનો કોઈ ઇરાદો નથી.