10 January, 2024 06:46 AM IST | Mumbai | Gujarati Mid-day Correspondent
આદર્શ ગૌરવ
આદર્શ ગૌરવનું કહેવું છે કે તેને તેના રોલ માટે ટ્રાન્સફૉર્મ કરવાનું ખૂબ જ પસંદ છે. તેની હાલમાં જ ‘ખો ગએ હમ કહાં’ રિલીઝ થઈ છે. એમાં તે જિમ ટ્રેઇનર હતો અને તેની ઍબ્સ પણ જોવા મળી રહી હતી. આ માટે તેણે ઘણી મહેનત કરી હતી. આ વિશે વાત કરતાં આદર્શ ગૌરવે કહ્યું કે ‘હું સ્ક્રીન પર જે પાત્ર ભજવી રહ્યો હોઉં એની સાથે જોડાવું અને એને સમજવું મારા માટે ખૂબ જ જરૂરી છે. ટ્રાન્સફૉર્મિંગ મને ખૂબ જ પસંદ છે. એવું જરૂરી નથી કે ખૂબ જ મોટું ટ્રાન્સફૉર્મેશન હોવું જોઈએ. તમારા વાળ અથવા તો દાઢી, કંઈ પણ નાની વસ્તુ પણ હોઈ શકે છે. જોકે મારું માનવું છે કે સ્ટોરીલાઇન મુજબ લુક હોવો ખૂબ જ જરૂરી છે. હું જ્યારે પાત્ર ભજવી રહ્યો હોઉં ત્યારે દર્શકોને એમાં વિશ્વાસ થાય એ માટે ખૂબ જ મહેનત કરું છું. હું જે પણ રોલ ભજવું છું એમાં ઊંડાણમાં ઊતરી જાઉં છું. મારા માટે ફિઝિકલ એટ્રિબ્યુટ ખૂબ જ મહત્ત્વનો છે. રેગ્યુલર કૉલેજ બૉય માટે વજન ઉતારું અથવા તો બલરામ જેવો ઈવિલ માણસ હોય કે યંગ ફિટનેસ ઇન્સ્ટ્રક્ટર હોય, હું ટ્રાન્સફૉર્મ કરવામાં માનું છું.’