17 August, 2022 03:31 PM IST | Mumbai | Gujarati Mid-day Online Correspondent
સ્વરા ભાસ્કર
બોલિવૂડની ફાસ્ટ પેસ અને બોલ્ડ સ્પષ્ટવક્તા અભિનેત્રી સ્વરા ભાસ્કર (Swara Bhaskar)ને મોટો જેકપોટ લાગ્યો છે. સ્વરાએ ડાયરેક્ટર મનીષ કિશોર (Manish Kishore) અને મધુકર વર્માની ફિલ્મ ‘મિસિસ ફલાની’ (Mrs. Falani) સાઈન કરી છે. સ્ત્રી કેન્દ્રિત વાર્તાઓ વિશે ખૂબ જ સક્રિય સ્વરાની ફિલ્મ `મિસિસ ફલાની` પણ સ્ત્રીલક્ષી ફિલ્મ છે. નવભારત ટાઈમ્સ ડૉટ કૉમ સાથેની એક્સક્લુઝિવ વાતચીતમાં ફિલ્મના ડાયરેક્ટર મનીષ કિશોરે જણાવ્યું કે, “સ્વરા ભાસ્કરે ફિલ્મ મિસિસ ફલાનીની સ્ટોરી સાંભળતાની સાથે જ ફિલ્મમાં કામ કરવા માટે હા પાડી હતી, સ્વરાને ફિલ્મની સ્ટોરી ગમી ગઈ હતી. ફિલ્મમાં 9 અલગ-અલગ વાર્તાઓ છે, જેમાં સ્વરાની 9 અલગ-અલગ ભૂમિકાઓ છે. સૌથી મહત્વની વાત એ છે કે સ્વરાનું દરેક પાત્ર એકબીજાથી સંપૂર્ણપણે અલગ છે.”
મનીષ ઉમેરે છે કે, “શ્રીમતી ફલાનીની દરેક વાર્તા નાના શહેરોની પરિણીત મહિલાઓની ગુપ્ત ઈચ્છાઓ વિશે વાત કરે છે. તમામ વાર્તામાં સ્વરા 35થી 45 વર્ષની વચ્ચેની પરિણીત મહિલાની ભૂમિકા ભજવશે. કેટલીક વાર્તાઓમાં તે 10થી 15 વર્ષના બાળકોની માતાની ભૂમિકા પણ ભજવશે. અમારી ફિલ્મમાં, અમે સ્ત્રીની સુષુપ્ત ઇચ્છાઓ, તેના સપનાને પૂરા કરવા અને જીવનના તમામ વર્જિતોને તોડવા માટેના સંઘર્ષને સુંદર રીતે દર્શાવીશું.”
ઉલ્લેખનીય છે કે નિર્દેશક મનીષ કિશોરે `ઇન્ડિયન આઇડલ`, `કૌન બનેગા કરોડપતિ` જેવા લોકપ્રિય શોમાં ક્રિએટિવ ડિરેક્ટર તરીકે કામ કર્યું છે. મનીષે `CID` અને `ક્રાઈમ પેટ્રોલ` જેવા શો પણ લખ્યા છે. લેખક અને નિર્માતા તરીકે તેમની આગામી ફિલ્મ `સુસ્વગતમ ખુશમાદીદ` છે જેમાં પુલકિત સમ્રાટ અને કેટરિના કૈફની બહેન ઈસાબેલ કૈફ મુખ્ય ભૂમિકામાં છે.