​લલિત મોદી પર બની રહી છે ફિલ્મ

રણવીરની ‘83’ બાદ હવે ‘IPL’નો ઇતિહાસ જોવા મળશે ફિલ્મમાં

લલિત મોદી

‘83’ અને ‘થલાઇવી’ના પ્રોડ્યુસર વિષ્ણુ વર્ધન ઇન્દુરીએ હવે IPL (ઇન્ડિયન પ્રીમિયર લીગ) પર ફિલ્મ બનાવવાનું જાહેર કર્યું છે. આ ફિલ્મ બોરિયા મઝુમદારની બુક ‘મૉવરિક કમિશનર’ પર આધારિત રહેશે. સ્પોર્ટ્સ જર્નલિસ્ટ-ઍકૅડેમિશ્યન પાસેથી પ્રોડ્યુસરે રાઇટ્સ ખરીદી લીધા છે. આ ફિલ્મમાં વિશ્વમાં પ્રખ્યાત એવી IPLની સાથે જ એના કર્તાધર્તા લલિત મોદી પર પણ પ્રકાશ પાડવામાં આવશે. લલિત મોદી સાથે ઘણા વિવાદ જોડાયેલા છે. તેણે કરેલી આર્થિક ગરબડને કારણે બીસીસીઆઇએ ૨૦૧૩માં તેના પર પ્રતિબંધ લગાવી દીધો હતો. હવે એ જોવું રહ્યું કે ઑન-સ્ક્રીન લલિત મોદી કોણ બનશે. એના માટે મેકર્સે શોધ શરૂ કરી દીધી છે.