25 September, 2019 12:03 PM IST | મુંબઈ
અક્ષયકુમારની મલ્ટી સ્ટારર ફિલ્મ 'હાઉસફૂલ 4'નું પહેલું પોસ્ટર રિલીઝ થઈ ચૂક્યુ છે. અક્ષયકુમારે પોતાના ટ્વિટર હેન્ડલ પર પહેલું પોસ્ટર રિલીઝ કર્યું છે. આ પોસ્ટરમાં અક્ષયકુમાર બે જુદા જુદા અવતારમાં દેખાઈ રહ્યા છે. પહેલા પોસ્ટરમાં તે હાથમાં ધનૂષ લઈને યોદ્ધાના લૂકમાં દેખાઈ રહ્યા છે, જેમાં તે ખૂબ જ ગુસ્સામાં દેખાઈ રહ્યા છે. આ ફોટો પર લખ્યું છે,'બાલા શૈતાન કા સાલા'.
તો બીજા પોસ્ટરમાં બે અક્ષયકુમાર દેખાઈ રહ્યા છે. એક યોદ્ધાના લૂકમાં અને બીજા કેઝ્યુઅલ લૂકમાં. આ પોસ્ટરમાં દેખાય છે કે 1419 વાળા અક્ષય, 2019 વાળા અક્ષયનો ચહેરો દબાવી રહ્યા છે. પોસ્ટર શૅર કરવાની સાથે અક્ષયકુમારે પોતાનું ઈન્ટ્રોડક્શન પણ આપ્યું છે. અક્ષયકુમારે ટ્વિટમાં લખ્યું છે,'મળો 1419ના રામકુમાર બાલા અને 2019ના લંડન રિટર્ન હીરોને.' આ ટ્વિટની સાથે અક્ષયકુમારે ફિલ્મનું ટ્રેલર 27 સપ્ટેમ્બરે રિલીઝ થવાની પણ માહિતી આપી છે.
આ પણ વાંચોઃ Feroz Khan:કેવી રીતે હોર્સ બ્રીડરમાંથી બન્યા બોલીવુડના સ્ટાઈલ આઈકન
આ પહેલા અક્ષયકુમારે સોશિયલ મીડિયા પર ફિલ્મનું મોશન પોસ્ટર શૅર કર્યું હતું, જેમાં ફિલ્મના ટાઈટલ અંગે માહિતી અપાઈ હતી. જો કે પોસ્ટર સાથે અક્ષયકુમારે એ પણ કહ્યું હતું કે આ ફિલ્મમાં ઈસવીસન 1419થી લઈને 2019 સુધીનો સમય બતાવવામાં આવશે. સાથે જ અક્ષયે એ પણ ખુલાસો કર્યો હતો કે આજે દર કલાકે ફિલ્મનું એક પોસ્ટર રિલીઝ થશે.