બજેટમાં અનાજના વેપારીઓ માટે કોઈ રાહત નહીં : દેવેન્દ્ર વોરા

આવનારા શિયાળુ પાકોની મબલક આવકથી રેલવે સિવાય એકથી બીજાં રાજ્યો સુધી માલ પહોંચાડવામાં દેશના બહુમૂલ્ય ઈંધણનો વપરાશ વધશે

પ્રતીકાત્મક ફાઇલ તસવીર

મુંબઈના અગ્રણી વેપારી એવા ફ્રેન્ડશિપ બ્રોકર્સના દેવેન્દ્ર વોરાએ બજેટ પર પ્રતિક્રિયા આપતાં જણાવ્યું હતું કે બજેટમાં અનાજના વેપારીઓ માટે કોઈ ખાસ રાહત નથી, પણ ખેડૂતોને રાહતોથી તેમ જ નવા પ્રયોગોને ખાસ સવલતોથી આડકતરો ફાયદો અવશ્ય થશે.

રેલવેમાં હાલ અનાજ-કઠોળને રેક્સ મળતી નથી એનું કારણ રેલવે ડિપાર્ટમેન્ટ મોંઘવારી વધે છે એવું બહાનું આપે છે એ ભૂલભરેલું છે. આવનારા શિયાળુ પાકોની મબલક આવકથી રેલવે સિવાય એકથી બીજાં રાજ્યો સુધી માલ પહોંચાડવામાં દેશના બહુમૂલ્ય ઈંધણનો વપરાશ વધશે. એમએસએમઈમાં વ્યાજદરની રાહત આવકાર્ય છે.

આ પણ વાંચો: કૃષિ ધિરાણનો લક્ષ્યાંક ૧૧ ટકા વધારીને ૨૦ લાખ કરોડ રૂપિયા

આ બજેટનું સૌથી મોટું આકર્ષણ સાત લાખ સુધીની આવકવેરાની છૂટ છે એને લઈને નાના વેપારીઓ દલાલો કમિશન એજન્ટોને મોટી રાહત આપશે તેમ જ બેનંબરી વેપાર હવે કદાચ ભૂતકાળ બની જશે. જાડાં અનાજ જે ભારતના પરંપરાગત છે એ બાજરી, જવ, રાગી, નાચની જેવાં સાત ધાન્યોને પ્રમોશન આવનારા સમયમાં અનાજ બજારના વેપારનાં પરિમાણો બદલી નાખશે.
ટ્રાન્સપોર્ટમાં ૭૫,૦૦૦ કરોડનું પ્રાવધાન પણ વેપારની સ્પીડ વધારશે. આજના ડોમેસ્ટિક અને ઇન્ટરનૅશનલ વેપારને અનુરૂપ ઝડપી માલ પરિવહનથી બહુ મોટો ફરક આવનારા સમયમાં વેપારીઓને લાભ આપનારો રહેશે.