સેન્સેક્સ 1330 અને નિફ્ટી 400 પોઈન્ટના ઉછાળા સાથે બંધ: રોકાણકારોને ફરી લીલાલહેર

સેન્સેક્સના 30 શેરોમાંથી 29 શેર ઉછાળા (Closing Bell) સાથે અને એક શેર નુકસાન સાથે બંધ રહ્યો હતો, જ્યારે નિફ્ટીના 50માંથી 47 શેરો વધ્યા અને 3 નુકસાન સાથે બંધ થયા

પ્રતીકાત્મક તસવીર

સપ્તાહનું છેલ્લું ટ્રેડિંગ સત્ર ભારતીય શેરબજાર (Closing Bell) અને તેના રોકાણકારો માટે શાનદાર રહ્યું છે. સ્થાનિક અને વિદેશી રોકાણકારોની ખરીદીને કારણે બજારમાં ભારે ઉછાળો જોવા મળ્યો હતો. રોકાણકારો આઈટી, બેન્કિંગ અને ઑટો શેરોમાં ભારે ખરીદી કરતાં જોવા મળ્યાં હતાં. આજના કારોબારના અંતે તે 1330 પોઈન્ટના ઉછાળા સાથે 80,000 ઉપર 80,437 પોઈન્ટની સપાટીએ બંધ રહ્યો હતો, જ્યારે નેશનલ સ્ટૉક એક્સચેન્જનો નિફ્ટી 400 પોઈન્ટના ઉછાળા સાથે 24,541 પોઈન્ટ પર બંધ થયો હતો.

મિડ-કેપ ઈન્ડેક્સ 1100 પોઈન્ટ વધ્યો

સેન્સેક્સના 30 શેરોમાંથી 29 શેર ઉછાળા (Closing Bell) સાથે અને એક શેર નુકસાન સાથે બંધ રહ્યો હતો, જ્યારે નિફ્ટીના 50માંથી 47 શેરો વધ્યા અને 3 નુકસાન સાથે બંધ થયા. માર્કેટમાં આજના સેશનમાં મિડ-કેપ અને સ્મોલ-કેપ શેર્સમાં પણ ભારે ખરીદી જોવા મળી હતી. નિફ્ટી મિડ-કેપ ઈન્ડેક્સમાં 1100 પોઈન્ટનો ઉછાળો નોંધાયો હતો અને ઈન્ડેક્સ 1109 પોઈન્ટના ઉછાળા સાથે 57,656 પોઈન્ટ પર બંધ રહ્યો હતો. સ્મોલ-કેપ શેરોમાં પણ વધારો જોવા મળ્યો હતો અને નિફ્ટી સ્મોલ-કેપ 100 ઈન્ડેક્સ 350 પોઈન્ટના ઉછાળા સાથે 18,437 પોઈન્ટ પર બંધ રહ્યો હતો.

ઝડપથી ઘટી રહેલા શેરો

આજના કારોબારમાં ટેક મહિન્દ્રાના શેર (Closing Bell)માં 4.02 ટકા, ટાટા મોટર્સ 3.47 ટકા, મહિન્દ્રા ઍન્ડ મહિન્દ્રા 3.45 ટકા, ટીસીએસ 2.91 ટકા, એચસીએલ ટેક 2.65 ટકા, અલ્ટ્રાટેક સિમેન્ટ 2.60 ટકા, ટાટા સ્ટીલ 27 ટકા, I27 ટકા વધ્યા હતા. ટકા, આઈસીઆઈસીઆઈ બેન્ક 2.17 ટકા, અદાણી પોર્ટ્સ 2.07 ટકાના ઉછાળા સાથે બંધ થયા છે. ઘટી રહેલા શેરોમાં મેક્સ ફાઇનાન્શિયલ 2.21 ટકા, અરબિંદો ફાર્મા 1.12 ટકા, વોલ્ટાસ 0.98 ટકા, પીએનબી 0.47 ટકા, SRF 0.42 ટકા અને એપોલો ટાયર્સ 0.26 ટકાના ઘટાડા સાથે બંધ થયા છે.

બજાર વધવા પાછળના પાંચ કારણો

1. ફુગાવો ઘટ્યો: જુલાઈમાં જથ્થાબંધ ફુગાવો ઘટીને 2.04% પર આવી ગયો છે. જુલાઈ મહિનામાં છૂટક ફુગાવો ઘટીને 3.54% પર આવી ગયો છે. આ 59 મહિનાનું સૌથી નીચું સ્તર છે. ફુગાવો હવે આરબીઆઈના 2-4%ના લક્ષ્યાંકની અંદર છે.
2. અમેરિકન બજારમાં ઉછાળો: અમેરિકન બજારનો ડાઉ જોન્સ 1.39% વધીને 40,563 ના સ્તર પર બંધ થયો. Nasdaq પણ 2.34% વધીને 17,594 પર બંધ થયો. S&P500 1.61% વધીને 5,543 પોઈન્ટ પર બંધ થયો.
3. એશિયન માર્કેટમાં વધારો: જાપાનનો નિક્કી 2.92% ઉપર છે. હોંગકોંગનો હેંગસેંગ 1.73% અને ચીનનો શાંઘાઈ કમ્પોઝિટ 0.092% ઉપર છે. કોરિયાના કોસ્પીમાં પણ 1.79%નો વધારો જોવા મળી રહ્યો છે.
4. નીચલા સ્તરેથી ખરીદીઃ નિફ્ટી અને સેન્સેક્સમાં વધારો થવાનું એક કારણ નીચલા સ્તરેથી ખરીદી છે. ઓગસ્ટમાં બંને ઇન્ડેક્સ 2.5% થી વધુ ઘટ્યા છે. ટાટા મોટર્સ, વિપ્રો અને એચસીએલ ટેક જેવા શેરોમાં આજે ખરીદી જોવા મળી રહી છે.
5. સ્થાનિક રોકાણકારો દ્વારા ખરીદી: વિદેશી સંસ્થાકીય રોકાણકારો (FIIs) એ 14 ઓગસ્ટના રોજ ₹17,565 કરોડના શેર વેચ્યા હતા. આ સમયગાળા દરમિયાન, ડોમેસ્ટિક ઇન્સ્ટિટ્યુશનલ ઇન્વેસ્ટર્સ (DII) એ ₹12,269 કરોડના શેર ખરીદ્યા હતા. તેનો અર્થ એ કે સ્થાનિક રોકાણકારો હજુ પણ ખરીદી કરી રહ્યા છે.

રોકાણકારોની સંપત્તિમાં 7 લાખ કરોડનો વધારો

શેરબજારમાં અદ્ભુત ઉછાળાને કારણે રોકાણકારોની સંપત્તિમાં ભારે વધારો થયો છે. બીએસઈ પર લિસ્ટેડ શેરોનું માર્કેટ કેપ ફરીથી રૂા. 451.54 લાખ કરોડ પર બંધ થયું છે, જે ગયા સત્રમાં રૂા. 444.29 લાખ કરોડ હતું. એટલે કે આજના સત્રમાં રોકાણકારોએ રૂા. 7.25 લાખ કરોડનો નફો કર્યો છે.