Closing Bell: સપ્તાહના પ્રથમ ટ્રેડિંગ સેશનમાં રોકાણકારો થયા નિરાશ, પ્રોફિટ બુકિંગના કારણે લાલ નિશાનમાં બંધ

ભારતીય શેરબજારના રોકાણકારોને નિરાશ કર્યા બાદ સપ્તાહનો પ્રથમ ટ્રેડિંગ દિવસ બંધ થયો છે. માર્કેટમાં રોકાણકારો દ્વારા ભારે પ્રોફિટ બુકિંગ જોવા મળી રહ્યું છે

પ્રતીકાત્મક તસવીર

ભારતીય શેરબજાર (Share Market)ના રોકાણકારોને નિરાશ કર્યા બાદ સપ્તાહનો પ્રથમ ટ્રેડિંગ દિવસ બંધ થયો છે. માર્કેટમાં રોકાણકારો (Closing Bell) દ્વારા ભારે પ્રોફિટ બુકિંગ જોવા મળી રહ્યું છે. આઈટી અને બેન્કિંગ શેરોની આગેવાનીમાં બજારમાં આ વેચવાલી જોવા મળી છે. સેન્સેક્સ 73,000ની નીચે સરકીને બંધ થયો છે. આજના કારોબારના અંતે બીએસઈ સેન્સેક્સ 352 પોઈન્ટના ઘટાડા સાથે 72,790 પોઈન્ટની સપાટીએ બંધ રહ્યો હતો, જ્યારે નેશનલ સ્ટોક એક્સચેન્જ (Closing Bell)નો નિફ્ટી 91 પોઈન્ટના ઘટાડા સાથે 22,122 પોઈન્ટ પર બંધ રહ્યો હતો.

સેક્ટરની સ્થિતિ

આજના કારોબારમાં આઈટી અને બેન્કિંગ શેર (Closing Bell) મોટા ઘટાડા સાથે બંધ થયા છે. નિફ્ટી આઈટી ઈન્ડેક્સ 447 પોઈન્ટ્સ અને બેન્કિંગ નિફ્ટી ઈન્ડેક્સ 235 પોઈન્ટ ઘટીને બંધ થયા છે. આ સિવાય ફાર્મા, મેટલ્સ, મીડિયા, કન્ઝ્યુમર ડ્યુરેબલ્સ, હેલ્થકેર સેક્ટરના શેરો ઘટાડા સાથે બંધ થયા છે. મિડકેપ અને સ્મોલ કેપ શેરો પણ ઘટીને બંધ થયા છે. ઑટો, એનર્જી, ઈન્ફ્રા અને ઑઈલ ઍન્ડ ગેસ સેક્ટરના શેરો જોરદાર બંધ થયા છે. સેન્સેક્સના 30 શેરોમાંથી 5 વધ્યા અને 25 નુકસાન સાથે બંધ થયા. નિફ્ટીના 50 શેરોમાંથી 13 વધ્યા અને 37 નુકસાન સાથે બંધ થયા.

બજાર મૂલ્ય ઘટ્યું

શેરબજારમાં ઘટાડાને કારણે બજારની મૂડીમાં ઘટાડો જોવા મળ્યો છે. માર્કેટમાં લિસ્ટેડ શેરોનું માર્કેટ કેપ રૂા. 392.05 લાખ કરોડ પર બંધ થયું હતું, જે છેલ્લા સત્રમાં રૂા. 392.81 લાખ કરોડ હતું. આજના વેપારમાં રોકાણકારોની સંપત્તિમાં રૂા. 76000 કરોડનો ઘટાડો થયો છે.

શેરમાં વધારો અને ઘટાડો

વધતા શેરો પર નજર કરીએ તો લાર્સન 2.36 ટકા, પાવર ગ્રીડ 1.97 ટકા, એચયુએલ 0.38 ટકા, એચડીએફસી બેન્ક 0.10 ટકા, નેસ્લે 0.08 ટકાના વધારા સાથે બંધ થયા છે. ઘટતા શેરોમાં એશિયન પેઇન્ટ્સ 3.90 ટકાના ઘટાડા સાથે, ટાટા સ્ટીલ 1.99 ટકાના ઘટાડા સાથે, ટાઇટન કંપની 1.95 ટકાના ઘટાડા સાથે, ટેક મહિન્દ્રા 1.82 ટકાના ઘટાડા સાથે, ભારતી એરટેલ 1.46 ટકાના ઘટાડા સાથે બંધ થયા છે.

માર્કેટ મૂડ બુલિશ, ચાલ ફૂલિશ: સિલે​ક્ટિવ સ્ટૉક્સ જમા કરાય

અબ કી બાર ૪૦૦ કે પાર જેવા નારા સાથે મોદી સરકાર જ પુનઃ સત્તા પર આવશે એવો આશાવાદ અને વિશ્વાસ સતત વધતો જતાં બજાર પણ વધવાના મૂડમાં રહે છે. ફૉરેન ઇન્વેસ્ટર્સ વેચવાલ હોવા છતાં સ્થાનિક રોકાણ પ્રવાહને આધારે બજાર ઊંચે જવાની મસ્તીમાં છે, આગામી સમયમાં આર્થિક વિકાસને વેગ પણ વધુ જોરથી મળશે, મૂડી ખર્ચ વધશે, ડિમાન્ડ વધશે અને એની અસરરૂપે બિઝનેસ અને ઇકૉનૉમીને લાભ થશે એવી ગણતરીઓ સાથે માર્કેટનો મૂડ બુલિશ બનતો રહે છે, વધઘટ કે વૉલેટિલિટી તો એની સાઇડ ઇફેક્ટ જેવું છે. અલબત્ત, માર્કેટની ઊંચાઈમાંથી ચેતવણીના સૂર પણ વહી રહ્યા છે. આપણે ગયા વખતે કરેલી વાત મુજબ કોઈ ટ્રિગર ન હોવા છતાં બજાર દોડી રહ્યું છે, કેમ કે આવા સમયમાં બજારનો આશાવાદ કોઈ ને કોઈ ટ્રિગર શોધી યા બનાવી લેતું હોય છે. આ તો લાફ્ટર થિયરી હેઠળ એકઠા થયેલા લોકો હા-હા-હા-હા હસતા રહે એમ માર્કેટમાં મોટા ભાગના લોકોનો મૂડ ખરીદીનો છે.